BUTUAN CITY – Gipanawagan karon sa mga health experts ang gobyerno nga paspasan ang pag-apruba sa Qdenga , ang bag-ong henerasyon sa dengue vaccine gikan sa kompanyang Takeda gikan sa Japan.
Subay kini sa nagkataas nga kaso sa maong sakit ilabina kadtong mu-igo sa mga bata.
Sigon sa mga eksperto, duha ka tuig nang natanggong sa Food and Drugs Administration kon FDA ang aplikasyon niini rason nga naglaum silang manginlabot na niini si Pangulong Ferdinand Marcos Jr aron mapaspasan pa ang proseso.
Nasayrang aprubado na kini sa kapin 40 ka mga nasud apil na sa Indonesia, Thailand ug Vietnam kondiin mas luwas matud pa kini kumpara sa Dengvaxia tungod kay dili na kinahanglan ang free testing adiser kini itupok.
Girekomenda na usab kini sa mga batang nag-edad og 6 hangtud 16-anyos nga duna’y kanhi kaso sa dengue kansa itupok sa duha ka doses pinaagi sa gintang nga tulo ka buwan.
