BUTUAN CITY – Dako ang pagpasalamat sa person with disability nga si Ruel Supapo sa Brgy. Libertad ning siyudad nga sa iyang pagdalikyat ning sibyahan, hingpit na niyang na-angkon ang gidamgo lang niyang aluminum crutches.
Dakong tabang na kini sa iyang inadlaw-adlaw nga paglakaw ilabina nga maklaro na usab ang iyang panan-aw ug pagbasa tungod sa na-angkon usab niyang libreng reading eye glasses.
Kini nga mga butang nga iyang na-angkon, gikan sa Faith Baptist Church nga gipangunahan ni Pastor Vicente Serrano aron makatabang sa mga tawong nanginahanglan niini ilabina kadtong wala’y ikapalit ning panahon sa COVID-19 crisis.
Alayon niini, nanawagan siya sa tanang susama niyang mga PWDs nga mu-anhi na sa sibyahan aron maka-angkon usab niini nga mga butang.
