BUTUAN CITY – Duna na’y lead ang ginsakupan sa Surigao City Police Office sa pagpusil sa ilang ka-ubanang pulis nga membro sa intelligence operatives kinsa na-operahan na kagahapon hinungdan nga padayon pang nagpa-alim sa samad nga nahi-aguman.
Mahinumdumang gipusil sa wala pa mailang responsable ang 36-anyos nga biktimang si PO2 Agbayani pasado alas-6:10 ning mi-aging gabii sa Payawan 1, Purok 2, Brgy Luna, Surigao City kondiin na-igo kini sa iyang kuto-kuto og walang bat-ang nga milapos sa iyang sampot.
Sigon ni SPO2 Orencio Jing Contemplo, usa sa ilang gitutukang anggulo base na usab sa pamahayag sa biktima, mao ang trabaho niini kondiin na niini ang pagpaniid og pagsikop sa mga high value targets sa pagpayuhot og ginadiling druga.
Padayon pa ang ilang pagpanguha og mga impormasyon aron mas mulig-on ang pagtumbok sa ilang lead aron mapasaka gilayon ang kaso batuk sa responsable.
Sa ilang pakisusi sa mga nakasaksi sa panghitabo, gibutyag matud pa sa sekyu sa gas station nga duna na matud pa’y nakamotorsikong duha ka mga tawong sige og paniid dapit sa nahitabuan diin anaa ang pinuy-anan sa biktima sulod na sa pipila ka mga adlaw adiser ang hitabo.
Gidugang pa ni Contemplo nga wala na makabalos pa ang biktima tungod kay daghan pa’y mga tawo sa maong lugar niadtong higayuna hinungdan nga mi-cover na lang kini sa iyang kaugalingon aron dili matiwasan hangtud nga misibat na ang mga suspek. (Beth Ruiz)
