-- ADVERTISEMENT --
BUTUAN CITY – Nagpasidaan ang Food and Drug Administration kon FDA ngadto sa publiko batok sa dako nga sindikato nga nagbaligya og peke ug daot nga anti-rabies vaccines human sa operasyon sa Taguig City.
Sumala ni FDA spokesperson Khay Ann Magundayao-Borlado, bisan gibutyag sa mga suspek nga tinuod ang ilang produkto, apan nadiskubre nga sila nag-repack ug nag-ilis og label sa mga bakuna.
Sigon sa FDA, bisan gikan pa sa gawas nasod ang bakuna, na-usab ang kalidad (potency) niini tungod sa dili sakto nga pagtipig.
Wala usab ang pasilidad og sakto nga biorefrigerator, nga kinahanglan aron mapabilin ang temperatura sa 2°C hangtod 8°C nga maoy magpahimong epektibo sa bakuna kontra rabis.
