BUTUAN CITY – Gi-inspeksyon sa composite team pagpanguna sa Protected Area Management Office–Agusan Marsh Wildlife Sanctuary (PAMO-AMWS), kauban ang CENRO Bunawan, mga opisyal sa Brgy Bayugan III ug mga volunteer sa Bantay Danao, ang gi-report nga pagkasunog sa peatland nga nahitabo sa Barangay Bayugan III, sulod sa Rosario-Bunawan Peatland, partikular sa Brgy Kalingayan.
Ang maong lugar ilado nga lisod sudlon tungod sa lapok nga mu-abot sa dughan o abaga sa tawo, ug sa kalapad sa tanom ug sampinit niini rason nga drone ang gigamit sa aerial survey.
Base sa drone images, 152.38 ka ektarya ang natala, diin 16.28 ka ektarya niini ang nahimutang sa Multiple Use Zone (MUZ) sa Agusan Marsh, samtang ang nahibilin gawas na sa MUZ ug gitumong alang sa agrikultura.
Gitu-uhang sa kalayo mugna sa ka-init sa panahon o sigarilyong nahulog.
Nasayrang ang mga kalihokan sa tawo sama sa pagbag-o sa yuta, drainage, ug pagkaguba sa natural nga tubig ug habitat mao ang kasagaran nga hinungdan sa pagkatigang sa yuta nga mahimong hinungdan sa kalayo.
