BUTUAN CITY – Personal nga milambigit si PBGen Marcial Mariano Magistrado IV, regional director sa Police Regional Office 13 (PRO13), sa gilusad nga drug test sa pipila ka mga police personnel, isip pagpakita sa lig-ong commitment sa organisasyon ngadto sa integridad, pagpanubag ingon man transparensiya.
Ang maong kalihukan kabahin sa nagpadayong internal cleansing program sa Philippine National Police aron masiguro ang drug-free police force.
Gihimo ang drug testing sa Regional Forensic Unit 13 (RFU13) uban sa istriktong pagsunod sa establisadong procedures ug protocols arn magarantiya ang kapatas ug kredibilidad.
Giklaro ni PBGen Magistrado IV nga wla’y sakop sa PNP ang exempted gikan sa standards sa propisyunalismo ug transparensiya.
Iyang gipaniguro nga ilawom sa iyang liderato, ang mga personahe sa PNP Caraga magpabiling drug-free ug dili malambigit sa bisan unsa man g ilegal nga mga kalihukan tungod kay sila ang mupatuman sa balaud batuk sa mga illegal drugs.
