BUTUAN CITY – Gipangunahan ni Police Regional Office kon PRO 13 director Police Brigadier General Gilberto DC Cruz ang paghatag og awards sa top performing units atoll sa staff conference nga gipahigayon sa Camp Col Rafael C Rodriguez, Libertad, Butuan City kagahapong adlawa.
Ang Surigao del Sur Police Provincial Office kon PPO ang overall top performing unit para sa police operations sa Marso 2019 nga gisundan sa Agusan del Norte PPO sa 2nd spot ug Butuan City Police Office kon BCPO sa 3rd place.
Nanguna usab ang Surigao del Sur PPO sa kampanya kontra wanted persons, Project OSCAR ug Illegal Logging samtang ang Agusan Del Norte PPO ang nanguna sa kampanya kontra illegal drugs ug loose firearms.
Sa walay hunong nga kampanya kontra sa illegal gambling, ang BCPO ang pinakataas sa accomplishments samtang ang Dinagat Islands PPO ang nahimong best performing unit sa kampanya kontra illegal nga pangisda.
Lakip sa gipasidunggan ang Regional Public Information Office para sa National Viewing of PRO13 accomplishments; Agusan Del Sur PPO alang sa Best in IO/Use of Social Media; Regional Logistics Research and Development Division for best in Unit Performance Evaluation Rating nationwide; ug Regional Investigation Detection and Management Division para sa best in Crime Solution Efficiency nationwide.
