BUTUAN CITY- Misaka sa kinatibuk-ang 50% porsyento ang presyo sa mga baligyang bulak sa G. Flores sa Butuan City sumala sa pagbutyag ni Emily Baclayo nanag-iya og flower shop nga taga-Barangay San Ignacio sa eklusibong pakighinabi sa Bombo Radyo Butuan.
Kaniadto anaa lamang sa P50 ug P150 ang presyo sa bulak sa miaging tuig.
Gibutyag ni Emily nga mag-depende gihapon ang dugang presyo sa klase sa bulak nga ibutang sa basket o ba kaha ang kasagaring ginadala sa mga sam-ang panahon sa pagbisita sa mga minatay.
Sumala kang Emily nga ang kaniadtong tag-50 nahimo ng P100 ug ang P100 kaniadto, P150 na sa pagkakaron.
Mag-depende ang presyo sa bulak sama sa baby’s breath, roses, dahlia, antorium ug fern ug uban pang klase sa bulak nga kasagaring ginasagol.
Sa pagkakaron, mismong mga gi-order ng daan sa mga kostumer alang sa umalabot nga kalag-kalag ang naka-display kasagari sa mga flower shop tungod kay nalugi sila kaniadto tungod sa hinay nga palit tugnod na sa pandemya.
