Nakabalik na sa nasud si President Ferdinand Marcos Jr. kagahapon sa alas-11:28 sa buntag.
Sa iyang arrival statement, gibida sa Presidente ang kalampusan sa gipirmahang duha ka importante nga kasabotan tali sa Pilipinas ug United Arab Emirates kon UAE ang comprehensive economic partnership agreement kon CEPA ug ang memorandum of understanding on defense cooperation.
Sumala sa Presidente, nga ubos sa CEPA mahimong mas halapad ang market access sa Pilipinas sa Middle East alang sa mga produkto sa nasud lakip niini ang suplay sa professional services, health, construction, information and communications technology ug uban pa.
Ang pagpalig-on matud pa sa market access alang sa filipino service providers padulong sa UAE, klaro sa pag-ila sa professional competence ug excellence o ang pagkamaayo sa mga Pilipino sa maong natad ug pag-ila sa dili mabayran nga kontribusyon sa ekonomiya sa UAE.
Alang usab sa gipirmahang MOA on defense cooperation, sigon sa Presidente nga mahimo kining dalan sa mga lawom nga pakigtimbayayong sa UAE advanced defense technologies sama sa unmanned aerial system, electronic warfare, ug naval systems kansa imprtante matud pa sa pag-modernize ug pagpalambo sa mga kapabilidad sa armadong kusog sa nasud.
Ubos matud pa sa maong kasabotan, pakusgan ang defense ug military relations sa duha ka nasud pinaagi sa edukasyon ug pagbansay, intelligence ug security sharing, ug kooperasyon sa natad sa anti-terrorism, maritime security ug peacekeeping operations.
