BUTUAN CITY – Nagpatuman na ug pre-emptive evacuation ang lokal nga kagamhanan sa dakbayan sa Tandag sakop sa Surigao del Sur human sa nahitabong pagdahili sa yuta sa Barangay San Antonio.
Tumang kabalaka ang gibati sa mga residente dihang nadiskbrehan ang pagpangatumba sa mga punoan sa lubi tungod sa landslide, hinuon walay natalang angol sa insidente ug wala’y naapektuhang mga panimalay.
Natigayon ang landslide tungod sa wala’y hunong nga pag-ulan nga epekto sa low pressure area nga anaa sa Davao City ug sa intertropical convergence zone nga nakakaapekto sa Mindanao.
Gipahimangnu-an ang usab sa City Disaster Risk Reduction and Management Office ang mga mananagat sa pagpani-id sa lakat sa panahon apil na niadtong mga nanimuyo daplin sa baybayun og suba nga magbantay sa posibleng kalit nga pagbaha. (Melody Valledor)
