-- ADVERTISEMENT --
BUTUAN CITY – Wala na maka-abot pang buhi sa Kitcharao District Hospital ang usa ka police officer human nadisgrasya ang iyang gimanehuang motorsiklo pasado alas-7:30 kagabii.
Naila ang biktimang si Police Captain Alvin Tedio Caballes kinsa gikan ning siyudad sa Butuan gikan pa sa iyang duty ug padulong unta sa Surigao City.
Gika-ingong mi-overtake matud pa ang biktima sa usa ka bus apan nawad-an kini og kontrol rason nga midasmag kini sa shouldering sa dalan sa may national highway sa may Purok 6, Brgy. San Juan, lungsod sa Alegria, Surigao del Norte hinungdan sa iyang pagkalamba.
