BUTUAN CITY – Nananawagan ang legal counsel sa Kingdom of Jesus Christ nga si Atty. Israelito Torreon kang Philippine National Police (PNP) Chief Pol. Gen. Rommel Francisco Marbil nga hatagan sila og access aron makasulod sa Jose Maria College kon JMC basement.
Kini human nga pakyas gihapon nilang makita si Pastor Apollo Quiboloy taliwa nga anaa na sa ika-11 nga adlaw ang pagpangita nila niini sa gika-ingong bunker sa Kingdom of Jesus Christ compound. Sigon ni Torreon, anaa na sa 8-metros ang giladmon sa gikalot sa kapulisan sa basement sa JMC.
Gibarugan si Torreon nga ilegal na ang gihimo sa kapulisan tungod kay ang bisan unsa mang pagpangita nga gihimo sa propiedad sa usa ka tawo, mahitabo lang kung ang korte, magpagawas og valid search warrant.
Apan sa maong kaso, human ang 11 ka adlaw diin wala pa kini ma-aresto, mihimo og intrusive search ang kapulisan sa katangan nga wala nakarehistro sa pangalan sa akusado. Gidugang ni Torreon, ang bangag nga gikalot sa kapulisan sa, dakong hulga sa stability sa Jose Maria College kon JMC basement.
Apan gipanghimakak usab ni PNP spokesperson Col Jean Fajardo ang nanggawas nga mga hulagway kalabot sa maong pagpangkalot apan mipasabot nga kung ang gitahasan pag-serve sa arrest warrant anaa sa usa ka pribadong enclosure o kaha dakbalay, duna kini kagahom nga sudlon ug suhiron hangtud nga makuha ang subject.
