BUTUAN CITY – Gipahayag sa Philippine National Police (PNP) nga hugot usab nilang ipatuman ang ilang mga counter-intelligence measures ug efforts batuk sa mga posibleng foreign-backed espionage activities sulod sa ilang organisasyon.
Sigon ni PNP Chief PGen. Jose Melencio Nartatez Jr., duna na silay mga gihimong mga lakang aron maseguro nga ang tanang impormasyon nga dunay kalabutan sa ilang mga operasyon para sa pagpatuman sa peace and order ug nasudnong seguridad giprotektahan.
Matud pa niini, gihimo na sa kapulisan ang ilang makaya aron maseguro nga protektado ug dilimasulod sa bisan unsang foreign interference o recruitment ang ilang organisasyon.
Alayon niini makonsidera usab matud pa isip usa ka wake-up call sa publiko ang bag-ohay langg pagkalambigit sa tulo ka Pilipino sa espionage activities rasong gibutyag usab ni Nartatez nga dapat mas mahimong alerto ug mas ma-ampingon ang tanan aron mapabilini ang propesyunalismo sulod sa institusyon ug mapabilin usab ang kama-unongon sa nasud ug sa mga katawhan niini.
Samtang gipaneguro usab ni Nartatez nga padayon lang ang nasudnong kapulisan sa pakig-alayon sa National Security Council (NSC) para sa mas epektibong intelligence sharing sulod sa matag ahensya.
