Plano ni Digong pagsibog sa eleksyon, suportado sa DILG-Caraga

BUTUAN CITY – Suportado sa Department of Interior and Local Government kon DILG ang plano ni Pangulong Rodrigo Duterte nga isibog ang barangay elections tungod sa kabalaka niining mangdaog ang mga kapitan nga suportado sa mga drug lords.

Gibutyag ni DILG-Caraga OIC assistant regional director Ronald Serunay, kini isip kabahin sa executive branch sa kagamhanan ubos sa buhatan sa pangulo apan kinahanglang duna kini mga tamdanan ilabina sa pagtudlo na lang unya og mga barangay officials.

Positibo ang opisyal nga hayan ma-apil na sa ipagawas unya nga guidelines ang pagtakda og mga opisyales alang sa Sangguniang Kabataan kansang eleksyon, pila ka higayon nang na-uktaba. (Beth Ruiz)