BUTUAN CITY – Gipahibalo ni Pangulong Ferdinand “Bongbong” Marcos Jr. nga ang ₱60 bilyon nga wala magamit nga pundo sa Philippine Health Insurance Corporation kon PhilHealth nga una nang gibalhin ngadto sa National Treasury, gibalik na karon sa PhilHealth aron mapalapdan ang serbisyo sa panglawas.
Ang maong kantidad gikan sa savings sa Department of Public Works and Highways (DPWH) ug ubang ahensya sa gobyerno, human sa review sa budget alang sa tuig 2026.
Sigon sa pangulo, ang ₱60 bilyon gibalhin na, samtang ang ₱29.9 bilyon napugngan sa Supreme Court human sa petisyon nila Senador Koko Pimentel ug sa Philippine Medical Association.
Sigon ni Health Secretary Teodoro Herbosa, “crucial move” ang desisyon alang sa kalampusan sa Universal Health Care rason nga gila-umang mas daghang Pilipino pa ang matabangan sa medical expenses, mapalapdan pa ang serbisyo sa PhilHealth, pa-uswagon pa ang Universal Health Care, makunhuran na unya ang gasto sa pasyente sa ospital ug masuportahan ang Zero Balance Billing sa mga DOH-accredited hospitals.
Madumdumang sa mi-aging tuig, ang Department of Finance nagmando nga ibalik sa Treasury ang ₱89.9 bilyon nga sobra nga subsidiya sa PhilHealth.
