BUTUAN CITY – Naghaon og petisyon ang usa ka abogado sa Korte Suprema kansa nangayo og court order arun manduan ang Senado nga aksyunan gilayon ang impeachment case kontra kang Vice President Sara Duterte.
Sumala sa petisyon ni Atty. Catalino Generillo Jr., kinahanglan matud pang mag isyu ang korte og writ of mandamus arun mag-convene gilayon ang mga Senador isip impeachment court ug gilayong mohimo og public trial human sa paghaon og impeachment case sa Kamara de Representantes. Sigon ni Atty.
Generillo nga wala matud pay “apan” sa pisikal man o mental ang mga Senador nga mopugong kanila arun mag-convene isip impeachment court rason nga kinahanglan matud pa gilayong mohimo og public trial arun masuta kung guilty o dili ang Bise Presidente.
Dugang niini nga gigamit matud pa sa konstitusyon ang pulong nga “forthwith” kansa nagpasabot nga “immediately, at once, instantly ug straight away” sa probisyon niini sa impeachment case.
Apan gawas niini, wala usab nagtuo si kanhi Supreme Court Senior Associate Justice Antonio Carpio nga kayang pugson sa Supreme Court ang Senado nga gilayong aksyunan ang impeachment case.
Una nang gikataho ni Senate President Chiz Escudero nga dili dapat pugsonsa House members ang Senado nga aksyunan ang mga alegasyon nga sumala niini, giabot og usa ka bulan arun ma disisyonan sa House of Representatives.
