BUTUAN CITY- Usa ka 30-anyos nga lalaking Pilipino ang nasamdan sa tiil human na-igo sa missile impact sa Arad town sa Israel, diin parte matud pa sa pag-atake gikan sa Iran, sumala sa Philippine Embassy.
Gidala gilayon sa Soroka Medical Center ug gilaomang mogawas na sa ospital human gitambalan ang maong samad.
Sumala sa embahada, gibisita sa rapid reaction team ang na-angol nga Pinoy ug uban pang kababayan sa Arad ug Dimona, kung asa ubay-ubay ka apartment ang nadaot. Nangapod-apod usab sila og food packs ug nanghatag og tabang.
Temporaryong gipang balhin usa ang pipila ka Pinoy samtang ang uban anaa sa hotel duol sa Dead Sea.
Padayon usab nga gimonitor sa embahada ang kondisyon sa na-angol nga OFW ug minghatag usab og psychosocial support sa mga na-apektuhan.
