BUTUAN CITY – Nag-atubang karon og kasong murder ang usa ka 23-anyos nga Filipino sa Rome, Italy nga si Mark Samson, human niya gi-angkon nga siya ang mipatay sa iyang kanhi hinigugmang si Ilaria Sula, 22-anyos, estudyante sa Sapienza University.
Migawas sa imbestigasyon nga gigamit sa suspetsado ang kutsilyo sa pagpatay sa iyang kanhi hinigugma sulod mismo sa apartment nga gipuky-an sa Pinoy ka-uban ang iyang pamilya.
Human sa krimen, gisulod matud pa ni Samson ang patay’ng lawas sa biktima sa usa ka maleta ug gilabay sa sagbuton nga pangpang sa Poli, kansa usa ka oras nga biyahiyon gikan sa Roma.
Sigon sa mga otoridad, nadiskubre nila ang pagkalambigit ni Samson sa kremin pinaagi sa cellphone records ug paggamit niya sa telepono sa biktima aron mag-post sa social media.
