BUTUAN CITY – Padayon nga gihawiran sa Shinsegae Centum City sa Busan, South Korea ang titulo isip pinakadakong department store sa tibook kalibutan usa ka dungog nga nailog niini sa Macy’s niadtong pang tuig 2009.
Halos imposible pang matap-ngan sa karun ang 16 ka andama nga istraktura tungod sa bilyones nga pondo ang gikinahanglan aron magtukod sa susama kadako nga establisment.
Dili lang kini simpleng palitanan og mga produkto tungod kay gawas sa halos 700 ka mga tindahan, duna usab ang ang higanteng shopping complex sa daghang mga pasilidad nga dili sagad makita sa usa ka lugar.
Lakip niini ang art galleries, usa ka lapad nga ice rink, ug golf course nga dunay 60-tee driving range.
Duna pa kini mga sinehan, usa ka tradisyunal nga Korean bathhouse, usaka office tower ug usa ka pampublikong parke nga dunay temang dinosaur ug pirata.
Sumala sa management, hilabihan gayud kadako ang lugar rasong ma-abtan pa og pila ka adlaw adiser hingpit nga malibot og makita ang kinatibuk-a niini.
Tungod sa kadako ug kadaghan sa mga atraksiyon, nakatala ang Shinsegae Centum City og talagsaong record sa industriya sa komersiyo.
Kini lang ang bugtong mall sa tibook South Korea nga nakatala og 2 trillion won o kapin 77 bilyones pesos nga transaksiyon sulod sa duha ka managsunod nga tuig.
