BUTUAN CITY – Natapos na sa Guangzhou Shipyard International ang pagbuhat sa pinakadakong barko sa kalibutan para sa pagdala og mga sakyanan diha sa kadagatan nga makahimo pagdala og nagkalain-laing klase sa sakyanan, apil na ang electric vehicles, hydrogen-powered vehicles, ug dagkong trak.
Gitawag kini og Pure Car and Truck Carrier (PCTC), ug ang bag-ong barko nga Glovis Leader gi-komisyon sa South Korean car manufacturer nga Hyundai Motor Company.
Nahuman kini mas sayo kaysa sa giplano pinaagi sa Guangzhou Shipyard International ubos sa China State Shipbuilding Corporation (CSSC), uban sa China Shipbuilding Trading Co. Ltd..
Ang bag-ong Glovis Leader adunay gitas-on nga 230 metros ug gilapdon nga 40 metros, uban sa design draft nga 10.5 metros ug cruising speed nga 19 knots.
Aduna kini 14 ka espesyal nga vehicle decks nga makakarga hangtod sa 10,800 ka sakyanan, nga naghimo niini nga pinakadakong Pure Car and Truck Carrier (PCTC) nga natukod hangtod sa karon.
Sa miaging tuig lang sa dihang nahisgutan ang kanhi rekord-holder nga Höegh Aurora, nga makasulod og hangtod 9,100 ka sakyanan, conventional man o electric.
Mas dako ang Glovis Leader tungod kay adunay pa kini dugang espasyo para sa 1,700 ka yunit nga sakyanan.
