BUTUAN CITY – Gikumpirma sa mga Spanish health authorities ang kaso sa usa lalaki nga nataptan ug dengue pinaagi sa pakighilawas kansa sukwahi sa unang teyoriya nga mutakod lamang kini sa pinaakan sa lamok.
Sumala ni Susana Jimenez sa Madrid region’s public health department, usa ka 41- anyos nga lalaki gikan sa Madrid ang natakdan ug dengue human nakighilawas sa iyang male partner nga nagpositibo sa virus human napa-akan ug lamok sa iyang pagbakasyon sa Cuba.
Nakumpirma ang dengue infection sa pasyente niadtong Septembre apan gikatingala sa mga doktor kung asa niya nakuha ang maong sakit.
Base sa record sa pasyente, wala kini nibiyahe sa mga nasud nga kaylap ang dengue nga dunay severe flu-like nga simtomas sama sa taas nga hilanat ug pagpanakit sa kalawasan.
Susamang sintomas usab ang gibati sa male partner sa pasyente nga gikan nagbakasyon sa Cuba ug the Dominican Republic.
Sa gihimong pagsusi sa ilang sperm nasuta ang virus sa dengue nga una ng nikaylap nga sakit sa Cuba.
Sigon sa World Health Organization, ang dengue usa ka transmitted disease pinaagi sa Aedes Aegypti nga lamok, nga kasagaran makita sa tropical climates ug managhan diha sa stagnant nga tubig.
Usa kini nga seryosong sakit ug makamatay sa mga bata.
Kasagarang makuha ang maong sakit sa mga tawong nibiyahe sa mga nasud nga duna’y mas init nga klima sama sa Southeast Asia, Africa, Australia, the Caribbean and South ug Central America.
