-- ADVERTISEMENT --
BUTUAN CITY – Wala pa’y natalang bag-ong kaso sa monkeyox virus kon mpox ang Department of Health kon DOH human gideklara sa World Health Organization kon WHO ang maong virus nga usa ka global public health emergency tungod sa pagsaka sa mga kaso niini didto sa Africa.
Sigon ni Deprtment of Health spokesperson Albert Domingo, wala nadugangan ang gidaghanon nga siyam ka kaso sa Mpox nga ilang natala niadtong Disyembre tuig 2023.
Gipamugos niining alerto ang ilang Bureau of Quarantine ilabina sa mga turista gikan sa kontinente sa Africa. Kahinumduman nga ang Africa nakatala og kapin sa 15,000 ka kaso sa Mpox kondiin kapin sa 500 niini ang nangamatay.
