BUTUAN CITY – Gi-akusahan ni Vice President Sara Duterte si Pangulong Ferdinand Marcos Jr ug administrasyon niini nga nagbutang sa alanganin sa kinabuhi sa iyang amahan human ang gihimong welfare checks sa Philippine Embassy sa nabilanggo niyang amahang si kanhi Pangulong Rodrigo Duterte sulod sa detention facility sa International Criminal Court (ICC) sa The Hague, Netherlands.
Sigon sa Bise Presidente, klarong gi-abuso sa Embahada sa Pilipinas ang patakaran sa detention unit kalabot sa consular visit. Nasayran pa niini nga naghatag pa sila og report kalabot sa maong pagbisita direkta ngadto kang Pangulong Marcos.
Klaro matud pang gisugo ni Marcos ang mga personahe sag Embahada nga tan-awon ang kahimtang sa kanhi pangulo.
Pamugos sa Bise Presidente, dili na kinahang sa iyang amahan ang gobyerno sa Pilipinas tungod kay mao kini ang nagdala kaniya sa maong bilangguan, gawas pa nga kaya nila kining atimanon.
