BUTUAN CITY – Nagpagawas na og pamahayag ang Palasyo Malacañang mahitungod sa mga duda nga duna na nay warrant of arrest nga gipagawas ang International Criminal Court kon ICC batok kang kanhi Presidente Rodrigo Roa Duterte, sumala ni Presidential Communications Secretary Jay Ruiz, nga andam ang pangamhanan sa Pilipinas ugaling tinood man ang nasangpit nga balita.
Sigon usab ni Solicitor General Menardo Guevarra nga sa kasamtangan, wala pa makadawat og pormal nga pahibalo ang gobyerno sa Pilipinas gikan sa ICC mahitungod sa maong warrant of arrest.
Sayran nga kung tinood nga dunay warrant of arrest ang ICC batok sa kanhi Presidente, mo agi una kini nga impormasyon sa Department of Foreign Affairs.
Saysay pa ni Palace Press Under Secretary Claire Castro nga nagpabilin gihapon ang posisyon sa Pilipinas mahitungod sa ICC diin wala kini huresdeksyon sa nasod tungod kay dili naman membro ang Pilipinas niini, apan pagklaro sa opisyal nga lahi na nga hisgutanan kung ang International Criminal Police Organization kon INTERPOL na ang mo-intervene sa kaso tungod kay mamahimo namang makig-tinabangay ang Pilipinas sa maong organisasyon.
ang pamahayag ni Palace Press Under Secretary Claire Castro.
Subay niini, gipanghimakak nang daan sa kampo ni Duterte ang impormasyon nga ning sulay matud pa og ikyas ang kanhi Presidente sa maong warrant, tungod kay sa kasamtangan, anaa man kini sa Hong Kong kauban ang anak niining Bise Presidente alang sa thanksgiving event sa mga Overseas Filipino Workers kon OFW nga anaa sa maong nasod.
