BUTUAN CITY– Nasigpatan pag-usab ang Philippine deer o ‘Rusa marianna’ sa probinsya sa Marinduque human ang pila ka dekada nga gituohang wala na kini sa lugar, sumala sa Department of Environment and Natural Resources (DENR).
Sa pamahayag sa ahensya, gikunpirma sa Marinduque Wildlife Sanctuary Protected Area Management Office ang presensya sa dili mo-ubos 10 ka Philippine deer sa Barangay Makulapnit.
Aduna usab mga footprints nga nakit-an sa Boac ug mga silingang lugar, pamatuod nga padayong ming-exis ang maong species sa isla.
Sigon sa DENR, nga ang pagtim-aw sa Philippine deer resulta sa hini-usang paningkamot sa MIMAROPA regional office ug sa Provincial Environment and Natural Resources Office sa Marinduque.
Gi-ila kini isip importate nga kalamposan sa conservation. Bisan paman, mipasi-daan ang ahensya nga nagpabiling delikado ang species tungod sa illegal hunting, poaching, ug pag-atake sa mga wild dogs.
Samtang, plano sa University of the Philippines Los Baños nga mohimo og pagtuon aron sukdon ang populasyon sa Philippine deer ug makabugna og mga lakang alang sa long-term care niini.
