BUTUAN CITY – Mosalmot ang Philippine Air Force (PAF) sa gikatakdang Australian-led “Pitch Black” multi-national air exercise uban sa mga kaalyadong nasud karong umaabot nga Hulyo 12 hangtud Agusto 2 ning kasamtangan nga tuig.
Sumala ni Denmark Suede, Bombo International Correspondent sa Australia, nga pangulohan sa Australian Royal Air Force ang nasangpit nga kalihukan, dugang niini nga dugay na kining ginahimo sa Australia kauban ang ubang mga nasud, diin nag sugod kini niadtu pang 1981.
Tumong sa maong exercises ang mapalapad pa ang kahibalo sa atung mga air force diha sa natad sa pagpalupad sa mga abyon ilabi na panahon sa kagubot. Karong tuiga matud pa ang pinakadaghang partisipante, diin mokabat sa 20 ka mga nasod ang mo salmot sa maong kalihukan.
Alayon niini, sa ikaduhang higayon nga pagsalmot sa Pilipinas, ipadala matud pa niini ang FA-50 light combat aircraft ignon man usa ka C2-95 Transport Aircraft sa Philippine Air Force.
Sigon ni Suede nga importante kini nga kalihukan tungod sa nagkainit nga tensyon karon sa West Philippine Sea. Taliwala pa man niini, nagtuo usab si Suede nga asta ang China, dili gusto og gyera, apan dugang niini nga ang gyera, dili lauman, apan kinahang pangandaman
