BUTUAN CITY – Subling gi-awhag karon ni kanhi Pangulong Rodrigo Duterte si Pangulong Ferdinand ‘Bongbong’ Marcos Jr., nga magpa-drug test na kung gusto niining mawala ang hugaw nga pagtan-aw sa mga tawo kaniya tungod sa gika-ingong paggamit niini og ilegal nga druga.
Kini ilabina nga available kini gikan sa han-ay sa mga eksperto sama sa pagpa-ilalom kaniya sa hair follicle test, aron masuta gayod kung wala na ba kini naggamitan og ginadiling druga.
Nabuhi ang hagit sa kanhi pangulo human mitumaw ang kontrobersyal nga video nga nagpakita sa susama og dagway ni PBBM nga misuyop og ginadiling druga kansa ‘deep fake’ matud pa, sigon sa iyang mga dumadapig.
Sigon ni Digong, mahimo matud pang angkunon sa pangulo nga migamit siya niini niadtong unang panahon ug gibiyaan na niya tungod kay lahi nga istorya na kung hangtud karon, wala gihapon matud pa niini gihunong ang iyang bisyo.
