BUTUAN CITY- Nakagawas na sa nasud si Pangulong Ferdinand Marcos Jr. kaganiha sa may alas-10:22 sa buntag alang sa usa ka working visit sa Amerika.
Magpabilin si Pangulong Marcos sa New York hangtud sa Miyerkules, March 11,2026. Kauban sa Presidente sa iyang pag-biyahe si First Lady Liza Marcos ug pipila ka mga gabinete.
Una na nga gipadayag ni Department of Foreign Affairs spokesperson Angelica Escalona ang lakip sa mga aktibidad sa Pangulo ug ang high-level engagements sa United Nations kung asa manawaga kini og restraint sa mga parties involved sa gubot sa Middle East nga mobalik sa negotiating table.
Manawagan usab kini og respeto sa international law ug sa UN Charter nunot sa nagpadayon nga binakbakay. Motambong usab ang Pangulo sa opening sa 70th session sa UN Commission on the Status of Women.
Samtang gikatakda usab nga makigkita ang Presidente kang UN Secretary- General Antonio Guterres aron hisgutan ang away sa Middle East.
