BUTUAN CITY – Gisuspende sa Philippine Basketball Association (PBA) ang referee nga si Jeff Tantay tungod sa nakalimtang foul call sa duwa tali sa TNT Tropang 5G ug Meralco Bolts.
Sumala ni PBA Commissioner Willie Marcial, napakyas si Tantay sa pagtawag og foul batok kang Calvin Oftana (TNT) sa clutch time sa Game 5 sa TNT-Meralco semis series. Nakita nga natapik ni Oftana ang shooting hand ni CJ Cansino (Bolts) samtang gisulayan niini nga makapuntos sa katapusang 9-segundo sa duwa.
Nasayrang nag-una ang Tropang 5G og usa ka punto, 97-96, ug tungod sa missed foul call, nakab-ot sa TNT ang kada-ugan sa score nga 99-96 nga naghatag kanila sa unang finals berth sa PBA Season 50 Philippine Cup.
Human sa duwa, gilantaw ug gikuwestyon sa Bolts ang kapakyas ni Tantay sa pagtawag og foul ug dali usab nga girespondehan sa liga.
Sigon ni Marcial, hukman pa sa Commissioner’s Office kung ang suspensyon ni Tantay molungtad lang sa pipila ka duwa o sa tibuok conference, diin ang best-of-seven finals gikatakda na sunod semana.
Kung balikan ang intense nga duwa, mikamada si Cansino og career-high 36 points ug gipangunahan ang Bolts gikan sa 10-point deficit aron makuha ang lead 96-91, 27 segundo sa wala pa matapos ang duwa. Sa iyang 36 points, 17 niini iyang napasulod sa ika-upat nga quarter.
