BUTUAN CITY– Gi-ransak matod pa sa mga tao ang panimalay ni Eden Sobisa ang gireklamong nagpasiugda sa REPA Paluwagan diha sa barangay Pangabugan ning syudad sa Butuan human wala nay mahatag nga pay-out ngadto sa mga nag-invest.
Sumala kang Barangay Pangabugan Kapitan Abundio Leones sa pakighinabi sa Bombo Radyo Butuan, niadto pang bulan sa Setyembre nagsugod ang pag-ransak sa mga tao human pakyas si Sobisa nga makahatag sa mga gisaad nga porsyento ug gisundan pa ang pagransak sa unang bahin sa Oktubre.
Sigon ni Kapitan Leones nakita pa sa mga tao si Sobisa sa lugar sa wala pa nahitabo ang pagransak.
Naktakda matod pa kini og adlaw nga mag-pay out ngadto sa ma nag-invest, apan wala na matod pa kini ikita sa misunod nga adlaw resulta na sa pagsulod sa mga tao sa duha ka andang niining panimalay lakip na ang tindihan ug iyahay nga nanguha sa mga butang ug tinda.
Lakip matod pa sa mga gikuha sa mga tao sa panimalay ni Sobisa ang mga mahalong butang sama sa mga appliances, sofa ug uban pa.
Gidugang ni Kapitan Leones nga dagsaon pa gihapon sila sa mga tao ang ilang barangay nga nagreklamo sa REPA Paluwagan ug namasin nga mabalik pa ang kwartang gibubo .
Sa pagkakaron dili makontak usab ang numero ni Eden Sobisa ingon man walay nasayod kung asa na kini karon nagtago-tago.
