BUTUAN CITY – Hangtud karon, dili gihapon makatuo ang pamilya Yañez sa Brgy. San Mateo ning siyudad sa Butuan nga taliwa sa ilang pagpuyo sa bukid nga bahin, gipapangita pa sila ni Pangulong Rodrigo Duterte aron makadungan sa iyang panihapon niadtong weekend.
Kini human nakita sa pangulo ang nag-viral nga Facebook post kalabot sa 10-anyos nga batang si Giltler Yañez nga toyo og suka lang ang sud-an dihang nani-udot kini sulod sa elementary school sa maong barangay.
Sigon sa amahang si Gil Yañez sa eksklusibong pakighinabi sa Bombo Radyo Butuan, nakurat na lamang nila dihang gi-adtuan sila sa ilang panimalay sa Sitio San Roque, tungod kay sa pangulong makigkita kanila.
Mibilib og samot ang amahan sa duha ka managsoon dihang gisa-aran sila sa pangulo nga hatagan og yuta og patukuran og balay gawas nga hatagan pa siya og regular nga trabaho sa gobyerno.
Nasayrang natandog usab si Special Assistant to the President kon SAP Bong Go dihang nakita ang usa ka set sa mga pictures nga gi-share ni Abigail Lopez sa iyang Facebook account nga nagpakita kang Giltler nga layo sa iyang mga classmates samtang nani-udto silong sa landong sa kahoy nga suka og toyo lang ang sud-an.
Ang caption mitandog sa kasing-kasing sa mga netizens hinungdan sa daling pag-viral nito nga nagresulta sa kapin 30-mil ka mga nag-comment og 22-mil nga mga nag-share nga mi-abot hangtud sa Palasyo. (Beth Ruiz)
