BUTUAN CITY – Ang mga kaaway sa pulitika nga pamilya Garay og Salazar maoy gitu-uhan ni Bislig City Mayor Librado Navarro nga utok sa pagpusil-patay sa iyang asawang si Carmencita “Tita” Tembling Navarro ning mi-aging gabii.
Kini eksklusibong gibutyag sa mayor sa pakighinabi sa Bombo Radyo Butuan kondiin iyang gibutyag nga kini ang nag-unang gitutukan karon sa kapulisan nga apil sa upat ka mga persons of interest sa maong kremin.
Sigon sa mayor, wala siya’y na-monitor nga duna’y personal nga nakabingkil ang iyang asawa, hinuon duna matud pa’y mga ginagmay lang kining mga nakabangi apan dili matud pa katu-uhang musangpot kini sa pagpatay kaniya.
Dako ang iyang pagtuo nga ang kawala’y klarong body guards sa iyang asawa kinsa suportado na matud pa sa kabaranggayan aron mudagan pagka-mayor ang nag-unang anggulo nga gi-target kini aron mawala na ang ilang hulga samtang wala pa ang filing sa certificate of candidacy kon COC. (Beth Ruiz)
