BUTUAN CITY – Gidugok sa mga deboto sa simbahang Katoliko ang Palm Sunday Mass sa may St Joseph Cathedral ning siyudad sa Butuan nga gisugdan kaganinang alas-4:30 sa sayong buntag.
Ang matag-pamilya o indibidwal nga nanimba, duna’y bitbit nga mga lukay nga ilang gipabenditahan aron i-display usab sa ilang panimalay isip proteksyon sa pamilya ug pag-abog sa posibleng dautang panghitabo o kaha mga dimalas.
Sigon ni church-goer Wil Jen Quider nga taga-Brgy Durian, lungsod sa Las Nieves, Agusan del Norte, gaan ang iyang paminaw matag-simba ilabina sa ingon niini nga okasyon nga duna’y bendita sa lukay.
Karong Semana Santa, dinhi lang sila sa iyang pamilya apan mu-uban sila sa Panaad 2026 nga himuon sa Brgy Anticala ning siyudad sa Butuan karong Biernes Santo.
