BUTUAN CITY – Patay sa airstrike sa Israeli forces ang usa ka blogger nga nakakuha og mga followers sa Instagram ug TikTok pinaagi sa pagdokumento sa kada-adlaw nga kinabuhi sa Gaza. Nasayrang na-igo sa shrapnel ang 20-anyos nga si Mohammad ‘Medo’ Halimy, nga mugna sa Israeli missile sa Khan Younis, base na sa pagsaysay sa duha ka mga youth organizations diin siya nakatrabaho kaniadto. Sigon sa Tamer Institute for Community Education, anaa si Halimy sa lugar duol sa dagat diin nagpuyo ang mga nadislokar ang mga tawong gipabakwit.
Dili pa makumpirma sa Israeli Defense Force kung duna ba’y strike nga natigayon sa Khan Younis niadtong Lunes apan gibutyag niini nga gipadayon nila ang ilang counter threats samtang naningkamot nga malikayan ang pagdamay sa mga sibilyan sa Gaza. Nasayrang kapin sa 250,000 ka mga netizens ang nagsunod kaniya sa Instagram ug TikTok human siya nag-post og mga videos nga nagdetalye sa iyang kinabuhi isip usa sa mga nadislokar nga tawo sa Rafah ug Khan Younis. Nakamugna si Halimy og social media audience human napugos ang iyang pamilya pagbiya sa ilang panimalay dihang gisugdan sa Israel ang ilang military operation sa Gaza human usab ang pag-atake sa Hamas didto sa Israel niadtong Oktubre 7 ning mi-aging tuig.
Kapin na sa 250,000 ka mga tawo ang nagsunod kaniya sa Instagram ug TikTok human siya nag-post og mga videos nga nagdetalya sa iyang kinabuhi human nga usa siya sa mga Gazans nga nadislokar gikan sa Rafah ug Khan Younis. Ang mga videos ni Halimy, nag-range gikan sa yano lang nga pagluto sa iyang mga recipes gamit ang limitad lang nga mga food supplies ug appliances hangtud na sa paglakaw-lakaw niya aron duna’y iyang content. Sa usa ka interview ning mi-aging tuig, iyang gibutyag nga ang matag-clip nga iyang i-post sa social media gastuhan niya og 3-dolyares nga dakong kantidad na sa Gaza.
