BUTUAN CITY – Gipadayag ni Pakistani Defence Minister Khawaja Asif nga anaa na sila karon sa “open war” tali sa Taliban government sa Afghanistan kondiin gibombahan na nila ang capital Kabul samtang nagpadayon usab ang binakbakay sa Afghan-Pakistan border.
Sigon ni Pakistani Prime Minister Shehbaz Sharif, kanunay silang nangandoy og kalinaw apan karon, gamiton na niya ang ilang armadong pwersa aron komprontahon ang kaaway’ng nasud.
Una nang gipadayag ni Taliban government spokesperson Zabihullah Mujahid nga naglusad sila og “large-scale offensive operations” batuk sa akistani military ‘ sa may Durand Line” nga maoy nagbuwag sa duha ka nasud.
Natigayon ang pinaka-ulahing kagubot human ang pila ka semanang panagsangka sa gilambitan nilang utlanan nga mikalas na og daghang kinabuhi sa duha ka panig.
