Pakistan, mihimo og halapad nga air-strike sa Afghanistan

BUTUAN CITY – Mihimo ang Pakistan og halapad nga airstrikes sa Afghanistan.

Sumala sa Taliban nga dunay 18 katawo ang namatay lakip na ang mga babae ug bata.

Target sa atake ang pito ka kampo sa militanteng grupo dool sa border sa Pakistan ug Afghanistan.

Usa matud pa kini ka pagbalos human ang gihimong suicide bombing sa Taliban sa Pakistan niadtong nakalabay nga mga buwan.

Gikondina kini sa Taliban diin daghang mga sibilyan nga nagpuyo sa Nangarhar ug Paktika province ang namatay.