BUTUAN CITY – Malampusong gibuksan sa lungsod sa Buenavista, Agusan del Norte ang ika-23 na nga anibersaryo sa 2019 Mindano Week of Peace ubos sa temang ‘Towards Human Fraternity for Peace in Mindanao.’
Gihimo kini sa compound sa St. James the Great Parish sa lungsod sa Buenavista, Agusan del Norte nga gisaksihan sa katawhan ug mga opisyal sa maong lungsod.
Highlight sa maong kasa-ulugan ang pag-alsa ug pag-instalar sa lingganay kon kampana nga gipahimutang sa maong simbahan hulip sa nahanaw nila nga yunit.
Gipangunahan kini ni Rev. Cosme Damian Almedilla, Obispo sa Diocese sa Butuan kinsa nagpasabot nga mahinungdanon ang nasangpit nga lingganay tungod kay sa pagpatingog niini, magkahi-usa man ang katawhan ug magtapok sa altar sa Kahitas-an isip usa lang kon managsoon sa atubangan sa Diyos bisan unsa pa man ang imong gigikanan, estado sa kinabuhi, kaliwatan ug pagtuo.
Gisundan kini sa press conference kondiin dinhi na gi-angkon sa Obispo nga nakatabang ang deklarasypn sa martial law sa pagkab-ot sa kahapsay ug kalinaw sa atong pulo apan kinahanglan pa kining ipadayon aron masustiner ang peace and order, dayong supoorta sa paglugway sa implementasyon niini.
