BUTUAN CITY – Nagpagawas og Executive Order number 51 series of 2020 si Buenavista, Agusan Del Norte Mayor Norbert Pagaspas nga nga-require pagpresenta og medical clearance/certificate niadtong mga dili residente sa maong lungsod.
Kini kinahanglang ipresenta ilabina niadtong mga residente sa mga barangay ning siyudad sa Butuan nga duna’y natalang local transmission sa COVID-19.
Sigon ni Elmer Maboloc, Municipal Administrator sa maong lungsod, tumong niini nga makatabang sa Butuan City-LGU nga dili na mokaylap pa ang local transmission sa COVID-19 nga karun padayong nagkataas.
Ang maong medical certificate kinahanglang dili molapas sa 7 ka adlaw gikan sa pag-isyu niini og ipakita sa checkpoint sa may Barangay Abilan og Barangay Simbalan kauban ang usa ka Valid ID.
Sumala pa ni Maboloc, nagdesisyon si Mayor Pagaspas pagpagawas sa nasangpit nga kamanduan tungod sa estado karon sa Langihan Public Market nga gipa-ilalom sa unom ka adlaw nga total lockdown nga mulungtad hangtud sa Agusto 31.
Tungod sa pagsira, sigurado matud pang duna’y mga taga-Butuan nga mangabot sa Buenavista aron magmerkado ilabina kay daan nang dunay magmerkado sa ilang lungsod nga taga Butuan.
Sa gihimong dry run, nasaksihan sa mayor ang nahatag nga kahasol sa maong bag-ong patakaran ngadto sa mga bumabiyahe rasong dunay gihimong adjustments.
Ang mag-logbook mao lamang kadtong duna’y taas nga temperatura sa lawas og mga residente sa 29 ka barangay ning siyudad nga dunay local transmission nga mao ang Agusan Pequiño; Ambago; Ampayon; Antongalon; Baan Km.3; Bading; Basag; Bayanihan; Bonbon; Buhangin; Doongan; Dulag; Fort Poyohon; Golden Ribbon; Holy Redeemer; Imadejas; JP Rizal; Libertad; Limaha; Maguinda; Mahogany; Manila de Bugabos; Maon; Ong Yiu; San Ingnacio; San Vicente; Tandang Sora; Urduja; og Villa Kananga
oto:CTTO
Lakip sa giklaro ni Maboloc ang kadtong molabay lang sa Buenavista diin kinahanglang magpakita og valid ID kinsa eskortan hangtud na ngadto sa boundary sa Buenavista og Nasipit.
