BUTUAN CITY-Passable na ang dalan sa De Oro Section human sa nahitabong landslide tungod sa mga shareline nga minghapak sa rehiyon niadtong minglabay nga mga adlaw.
Sumala ni Engr. Grace Curayag, Asst. District Engineer sa Butuan City District Engineering Office, nga gidali sa Department of Public Works and Highways kon DPWH Butuan City ang clearing operations sa De Oro Section human kini maigo sa landslide tungod sa hulaw nga yuta ug padayon nga pag-ulan.
Sigon pa niini, nga ang maong landslide gitabangan og operate sa pito ka dump truck, usa ka loader ug duha ka backhoe sa maong lugar nga nalungtad og upat ka oras.
Gibutyag usab ni Curayag, nga nagrequest na sila og quick response project ug gi-imbestigahan pa ang sitwasyon aron masiguro nga dili na mausab ang insidente.
Gawas sa De Oro, naapektuhan usab ang Agay ug Lemon-Mahay nga mga dapit diin dali mosaka ang tubig sa sige og ulan.
Samtang giplano na usab sa DPWH ang upgrading sa pakigtambabayong sa Department of Agriculture alang sa lig-on nga solusyon aron maprotektahan ang mga residente ug masiguro ang kaluwasan sa trapiko sa maong mga lugar.
Samtang sa pikas bahin gipangandaman na usab sa DPWH ang pagsaulog sa Simana Santa o Holy Week diin sumala pa ni Engr. Curayan, nga magbutang ang BCDEO og mga istasyon sa Sports Complex, McDonald’s area, ug sa Taguibo padulong Mahayay aron masiguro ang kaluwasan sa mga deboto sa Panaad 2026.
Sigon pa niini, nga ang ilang maintenance crew nagpadayon sa clearing operations bisan sa regular nga adlaw tungod kay ang maong kalsada sakop sa National Highway nga responsibilidad sa opisina. Ang mga personnel usab naka-duty sa 24-hour rotation alang sa Lakbay Alalay ug andam nga mo-assist sa mga pangutana o concern sa publiko.
Dugang pa sa Engineer, nga walay holiday ang mga tauhan tungod sa memorandum nga naglatid sa padayon nga serbisyo alang sa siguridad panahon sa Panaad.
