BUTUAN CITY – Gikonsiderang poll related kon may kalambigitan sa umalabot nga piniliay ang pagpamanhig sa usa ka election officer sa Sulo ning nakalabayng adlaw, kansa ning kutlo og usa ka kinabuhi.
Sumala ni Comelec chairman George Garcia nga mismong si Sulu Provincial Election Supervisor Julie Vidzfar na matud pa ang nag butyag nga may kalabutan ang maong insidente sa sunod tuig nga election.
Namatay sa maong insidente ang igsoon ni Vidzfar nga bugtong kauban niini sa sakyanan dihang sila gibanhigan sa wala pa mailang suspitsados. Dugang ni Garcia nga kini na ang ika tulo nga insidente sa violence against COMELEC field personnel sukad niadtung filing sa certificate of candidacy niadtung Oktubre.
Dugang sa opisyal nga ikunsidere usab sa ilahang ahensya ang maong lugar isip area of concern diin ipalawom kini sa Comelec control.
Una nang gikabutyag ni Philippine National Police kon PNP spokesperson Police Colonel Jean Fajardo nga mamahimong ikonsiderea isip area of concern ang usa ka lugar ilawom sa tulo ka kondisyon: Una, kung motumaw sa maong dapit ang election-related violence; ikaduha, kung duna matud pay intense political rivalry sa nahisgutang lugar; ug ang ikatulo, kung dunay presensya sa mga private armed groups.
