BUTUAN CITY – Nahimong sentro sa pagmamulong ni Cabadbaran City Mayor Judy Amante ang pagsasaka sa ekonomiya sa dakbayan sa Cabadbaran atul sa ika-5 nga niini State of the City Address kagabie, Hulyo 28.
Sa intrada sa pagpamulong niini, gikabutyag sa maong Mayora ang 77% nga pag saka sa kinatibuk-ang collection rate sa Real Estate sa dakbayan, 82% nga pag usbaw sa Business Tax, 28.8% nga pagsaka sa mga fees and charges, ug ang 12% usab sa Economic Enterprise nga bahin. Dugang niini nga anaa sa 50% ang giaskaan sa revenue sa maong syudad kompara niadtung tuig 2019, sugod sa pag lingkod niini isip Mayor sa maong dakbayan kansa gilangkuban sa 102-milyones 99-mil Pesos nga kinatibuk-ang total revenue kompara sa 68-milyones 215-mil ug 768 Pesos niadtung nakalabay nga upat ka tuig.
Dugang niini nga Cabadbaran usab ang pinaka una nga LGU sa tibook probinsya sa Agusan del Norte nga nag institutionalize sa People’s Council pinaagi sa City Ordinance no. 2021-031 kansa nahimong sumbanan sa mga Cabadbaranon nga marepresentar pinaagi sa nagkadaiyang local bodies nga mao usay tulay nga madungog ang ilahang mga yango-ngo sa decision making process sa maong syudad. Gibutyag usab niini nga mga proyektong nahimo ilalum sa iyahang pangamhnan, sama nalang sa pagpatukod sa Cabadbaran City Sports Complex sa may Barangay Pandanon, ang pag-aproba sa luna sa Barangay Calamba nga himoong puluy-anan sa mga bata nga na ipit sa kagubot gumikan sa mga armadong grupo, ingon man ang pagtugot niini sa 14% nga appropriation alang sa Gender And Development projects, ug uban pa.
Sa katapusan, gipasidungan sa Mayora ang mga nahimo niini nga inpirasyon sa iyahang pagpanerbisyo nga gilangkuban sa mga nagkalin-laing katawhan gikan sa mga nagklainlaing sector isip kalabot sa mantra niining Serbisyong Tinooray, Serbisyong Walay Pili.
