BUTUAN CITY – Na-shock ang Indigenous People’s Crisis Committee, ang tulo ka adlaw nga tagal o deadline nga gihatag sa Federal Tribal Government of The Philippines kon FTGP Governor General Datu Higyawan Na Halog-ayan ngadto kang pangulong Rodrigo Duterte aron i-dismiss ang mga kaso sa ingon mubalik na pag-operate ang Kabus Padatoon kon KAPA Community Ministry International Inc.
Gihimo ang panawagan ni Datu Higyawan Na Halog-ayan kon Carmelito Escubero sa tinuod nga kinabuhi atol sa panagtigom usab sa FTGP didto sa Glot Towak, lungsod sa Matanao, Davao del Sur.
Nasayrang human sa tigom, nagduso sila og sulat ngadto sa korte suprema, kondiin ilang gimando ang pagpapas sa mga kaso nga giatubang karon sa KAPA ug tugutan nga mopadayon kining maka-operate. Gihimo nilang hinagiban sa ilang sulat ang R.A. 8371 kon mas nailang Indigenous People’s Rights Act kon IPRA law of 1997 apil na ang Article XII Section 5 sa Philippine Constitution kansa mao matud pa’y nagprotekta sa katungod sa mga lumad o mga indigenous people.
Sigon ni Datu Rico Maca – tribal chieftain sa lungsod sa San Miguel, Surigao del Sur og vice chairman sa Indigenous People’s Crisis Committee, bisan og misimpatiya siya sa mga nabiktima sa KAPA apan supak siya sa gihimo ni Datu Higyawan ilabina nga wala gi-ila sa National Commission on Indigenous People kon NCIP-Region 11 ang maong grupo.
Sigon ni Datu Maca, ang gibuhiang pamahayag sa maong grupo, nagpakita lang nga daw gusto pa niining mulabaw sa balaud ilabina nga ang Korte Suprema ang gihulga niini.
Gidugang pa ni Datu Maca nga ang wala pag-ila sa NCIP sa FTGP pamatuod lang mga illegal ang pagtunhay niini og sa mga kalihukang ilang ginahimo.
