BUTUAN CITY – Sugdan na ugmang adlawa ang pagdawat sa aplikasyon sa gustong mahimong polcie dinhe sa rehiyon sa Caraga.
Sigon ni Police Col. Arnel De Jesus, Hepe sa Regional Recruitment and Selection Unit – 13 muabot sa 203 ang qouta sa Patrolman og patrolwoman karung tuiga apan gitunga sa duha ka bahin, ang regular qouta nga dunay 75 og attrition qouta nga dunay 130.
Ang pagdawat sa folder sa regular nga aplikante sugdan ugmang adlawa og matapos sa Marso 30 samtang attrition depende na sa AD HOC tungod kay kinahanglan paman sila moagi sa mayor o kaha Hepe alang sa endorsement.
Giklaro usab sa opisyal nga dapat kumpleto na sa tanang mga requirement ang sulod sa folder diin ang mga dokumento makita sa Facebook Page sa RRSU-Caraga. Gipahayag usab niini nga dunay 7 ka stages ang kinahanglang lutsan sa usa ka aplikante.
Una niini ang Body Mass Index kon BMI diin sukdon ang ilang timbang, height og edad; ikaduha ang Physical Agility Test pinaagio sa 3 kilometer run, push up og sit up; ikatulo ang Nuero Exa;ikaupat ang Physical and Medical Exam; ikalima ang Complete Background Investigation; ikaunom ang Drug Test og ikapito ang Final Interview.
Mas gipaubsan usab karun ang height requirement diin sa lalaki gikan sa 5’4 gihimo lang nga 5’2 samtang sa babaye gikan sa 5’2 gihimo lang 5’0.
Subay niini, gipanawagan sa opisyal ang tanang interesado nga dapat andam na perme dili lang sa dokumento kundi lakip na sa pisikal. Mas maayo matud pang dunay himoon pre-medical assesment sa kaugalingon.
Samtang gitumbok usab niini nga dili mo-entertain sa ubang mga pulis nga mosaad o magpasalig nga sila seguradong makasulod hinoon mosalig lang sa kaugalingon og ubanan sa pag-ampo./
