BUTUAN CITY – Magsugod na karong Oktubre 7 ang gibana-bana nga mga adlaw sa Commission on Election Butuan nga modagsa ang mga gustong magpapili karong Mayo 2025 nga Eleksyon sa ilahang buhatan aron sa pag file sa ilahang Sertipiko de kandidatura.
Sumala ni Atty. Trisatan Niog, ang eleksyon officer sa COMELEC Butuan nga gilauman na sa ilahang buhatan nga sa katapusang mga adlaw na mag dasok ang mga magfile sa ilahang kandidatura ning dakbayan sa Butuan.
Alayon niini, gikumperma usab sa nasangpit nga opisyal nga tulo pa lang ka mga Mayoral aspirant candidates ang naka-file sa ilang certificate of candidacy kon COC alang sa posisyon pagka-mayor ning dakbayan. Naila ang maong mga aspirant nga sila si Danny Boy Cublan, residente sa Brgy.Taguibo, Florencio Bunal Jr., alyas Pobreng Makaluluoy residente sa Brgy. Taligaman ug ang nagduso kagahapon sa iyahang COC nga si Dickston Morano nga taga-Brgy. Doongan.
Human sa COC filing karong Oktubre 8, ihatud na dayon sa buhatan sa COMELEC Butuan ang maong mga certificates uban sa mga dokumento sa ilang sentrong buhatan.
Karong tuiga, maglahi na pagsubmite sa mga Certificates of Candidacy ang Commission on Election kon COMELEC-Butuan tungod kay lone district naman kini samtang ang lungsod sa Las Nieves nga sakop nila kaniadto, ibalik na usab ngadto sa lone district sa Agusan del Norte.
