BUTUAN CITY – Patun-an pa ni Kitcharao, Agusan del Norte Mayor Aristotle ‘Oloy’ Montante sa iyang abogado kung unsa nga kaso ang iyang ipasaka batuk sa iyang pag-umangkong gitumbok niyang buot matud pang mupapatay kaniya tungod lang sa panag-agbat nila sa eleksyon nga si Milky Montante.
Sa eksklusibong pakighinabi sa Bombo Radyo Butuan, gibutyag sa mayor nga ang testimoniya sa mga nadakpang sinugo matud pa ni Milky ang iyang lig-ong ebidensya og saksi sa plano niining pagpalikida kaniya.
Kini human nakumpirmang sa balay ni Milky nagpuyo ang mga suspek human matud pa niini gi-hire alang sa construction works.
Mas milig-on ang iyang pagtuo human nga gilabay sa usa sa mga suspek ang dala niining armas diha sa kanal sa pag-abot sa mga pulis nga gi-request sa usa sa mga konsehal sa ilang lungsod.
Sa pagkakaron, bugtong ang mga nadakpan pa lang ang iyang gipakasuhan pinaagi sa inquest proceedings tungod sa paglapas sa COMELEC gun ban.
