BUTUAN CITY – Wala na matud pa na-sorpresa pa si France Castro, kanhe Act Teacher partylist representative sa gihimong pag-anunsiyo ni Besi Presidente Sara Duterte nga pagdagan sa pagka-presidente sa sunod nga election.
Sigon ni Castro nga kini na matud pa ang plano sa besi presidente nga iyang nakita sa pagsige matud pag-adtu sa laing nasud aron mamulitika og mangampanya.
Nakita usab niini nga daw warning ngadto sa mga kongresista nga moboto pabor sa impeachment nga iya karung gi-atubang.
Apan sumala ni Castro nga gamay lang kaayu ang epekto niini sa 4 ka impeachment complaint nga ilang giduso nga posibleng sa sunod semana ma-refer na ngadto sa committee on justice sa House Of representatives.
Kini dayung butyag nga kampante silang makuha ang One-Third sa mga magbabalaod nga mopabor sa impeachment complaint aron hingpit kining maka-aginod ngadto sa senado nga magsilbing impeachment court.
Gidugang pa ni castro nga pasagdan na lang matud pa si Besi Presidente Sara Duterte sa tan-aw sa iyang kaugalingon nga siya gayud ang nagpadaug kang BongBong Marcos sa pagka-pangulo sa nasud.
Kini dayung butyag nga dapat mangayu usab kini og pasaylo sa gikawat niining pondo sa katawhan.
