BUTUAN CITY- Nakompiska sa kapulisan ang gibanabana nga ₱135,000 nga kantidad sa smuggled nga sigarilyo ug nadakpan ang duha ka suspetsado atol sa gipakusgan nga checkpoint operation sa Brgy. Camagong, Nasipit, Agusan del Norte.
Sumala sa Agusan del Norte 1st Provincial Mobile Force Company, nasikop ang mga suspetsado tungod sa paglapas sa Republic Act No. 10643 o Anti-Agricultural Smuggling Act, human masakpan nga nagdala og pipila ka karton sa ilegal nga sigarilyo.
Lakip sa mga nakumpiska ang usa ka Toyota Wigo nga gigamit sa transportasyon.
Ang maong operasyon kabahin sa padayon nga kampanya sa Philippine National Police batok sa ilegal smuggling sa rehiyon.
Sa pagkakaron, anaa na sa kustodiya sa kapulisan ang mga suspetsado samtang ginaproseso ang hustong kaso batok kanila.
