BUTUAN CITY – Malampusong nakumpiska sa hini-usang pwersa sa Philippine Drug Enforcement Agency Regional Office XIII (PDEA RO XIII), Agusan del Norte Provincial Office (ADNPO), Regional Special Enforcement Team (RSET), K9 Unit, PNP-Regional Drug Enforcement Unit 13 (RDEU-13), ug Butuan City Police Station 1 (BCPS1) ang usa ka kilo sa gidudahang pina-ugang dahon sa marijuana nga giporma og bricks ug giputos sa transparent plastic nga nagkantidad og 120,000-pisos.
Gitago karon ang identity ug gideklarang address sa consignee tungod sa nagpadayong imbestigasyon aron masubay kung asa gikan ang maong package ug maila ang nagpadala niini.
Nakumpiska kini atol sa K9 interdiction operation pasado alas-6:10 kagbii sa mail and parcel section sa usa ka cargo transport service sa may Barangay Villa Kananga ning siyudad sa Butuan.
