BUTUAN CITY – Nagbigay og update si United States President Donald Trump sa gilusad nila sa Israel nga “Operation Epic Fury” sa Iran sa nakalipas nga 36-oras, kansa gitawag ni Trump nga “largest, most complex ug most overwhelming military offensives” nga nasaksihan sa tibuok kalibutan.
Sa gipa-ambit nga video ni US President, gitaho niya nga anaa sa kapin 100 ka mga targets ang na-igo sa Iran apil na ang mga pasilidad sa Revolutionary Guards ug ilang Iranian Air Defense Systems.
Gi-anunsiyo usab ni Trump nga napatikla-ob nila ang 9 ka mga barko ingon man naval building sulod lang sa pipila ka minutos.
Dinhi usab subling gikumpirma ni Trump nga patay na si Iran Supreme Leader Ayatollah Ali Khamenei ug ang entiro matud pa nga military command sa maong nasud, nawala na ilabina nga daghan kanila ang gusto nang musurender aron maluwas ang ilang kinabuhi.
