BUTUAN CITY – Permado na sa lokal nga pangamhanan sa Butuan ingon man sa LandBank of the Philippines ang Memorandum of Agreement alang sa online payment service ngadto na sa mga Butuanon nga mobayad sa ilahang mga pangobyernong rekisitos.
Ang maong partnership nahimong posible pinaagi sa buhatan sa Business Permits and Licensing Department kon BPLD. Gipatuman usab kini pinaagi sa Sangguniang Panlungsod (SP) Ordinance No. 6662-2022 o ang Ordinance institutionalizing the use of electronic payment system in all financial transactions with the City Government of Butuan”.
Tumong niini ang mapadali ang pagbayad sa mga Butuanon pinaagi sa pagbayad nalang Online sa ilahang mga tax, permits, ug uban pang mga transaksyon agi sa Online Bank nga Pay Maya o Maya app, ang maong kamanduan, ilalum sa Enhanced Tax Revenue Assessment and Collection System kon E-TRACS.
